બાદમાં પીએસઓને ધક્કો મારીને પોલીસ મથકમાંથી નાસી છૂટ્યો હતો. હાજર પોલીસ કર્મચારીઓ કંઈ સમજે તે પહેલાં તે અંધારામાં ઓગળી ગયો હતો.

ઉલ્લેખનીય છે કે ગત ૧૬ જૂલાઈની મધરાત્રે ત્રણ વાગ્યે સુખપર પાસેથી ઈકો કાર લઈ પસાર થતાં ૬૦ વર્ષિય છાપાના ફેરિયાને અટકાવી, ગળા પર છરી રાખીને ઉમર અને તેનો સાગરીત મુસ્તાક સોઢા સાત હજાર રોકડાં રુપિયા અને મોબાઈલ ફોનની લૂંટ ચલાવી બાઈક પર નાસી છૂટ્યાં હતા. માનકૂવાના ઈન્ચાર્જ પીઆઈ પી.પી. ગોહિલ સહિતની ટીમે આંખમાં સુરમો આંજીને આખી રાત આરોપીની ગહન શોધખોળ ચલાવી છે.