આરોપીએ તકલીફો દૂર કરવા માટે તાંત્રિક વિધિ કરવી પડશે તેમ જણાવેલું. આરોપી વિશાલ ફરિયાદીને અવારનવાર ઘરે એકલી બોલાવતો હતો. ફરિયાદી મળવા જાય ત્યારે તે કપાળે કંકુનો ચાંદલો કરીને મંત્રોચ્ચારના નાટક કરતો. ‘તારા શરીરમાં આત્મા છે, તેને બહાર કાઢવાની છે’ કહીને ઝાપટો મારતો. વાળ ખુલ્લાં કરાવતો અને વિધિના બહાને શારીરિક અડપલાં કરતો રહેતો.

તાંત્રિક વિધિના નામે આરોપીએ ફરિયાદી મહિલા અને તેના પરિવારજનો પાસેથી ટુકડે ટુકડે ૩.૧૧ લાખ રૂપિયા પડાવી લીધા હતા. એટલું જ નહીં, રૂપિયા નહીં આપો તો તમને ઘરમાં ઘણી તકલીફો આવશે તેવી બીક બતાડતો રહેતો હતો. ગુનાનો સમયગાળો જૂલાઈથી સપ્ટેમ્બર ૨૦૨૪નો છે.

માધાપર પોલીસે વિશાલ મોતા વિરુધ્ધ ભારતીય ન્યાય સંહિતાની કલમ ૭૫ ૧ (i), ૩૦૮ (૨) અને ૩૫૪ હેઠળ ખંડણી સહિતની કલમો તળે ગુનો દાખલ કર્યો છે. આરોપી હાલ પાલારા જેલમાં છે. માધાપર પો.સ.ઈ. બી.એ. ડાભીએ ગુનાની તપાસ માટે જેલમાંથી આરોપીનો કબજો લેવા તજવીજ હાથ ધરી છે.