જેથી યુવતી તેની માતા, અન્ય પરિચિત સાથે શનિવારે વિશાલ મા’રાજના ઘેર આવેલી. આરોપીએ પ્રારંભે તેમના દુઃખ દર્દની વાતો જાણીને ઘરમાં નડતર હોવાનું કહીને વિધિ કરવાનું શરૂ કરેલું. થોડીકવાર બાદ અલગથી વિધિ કરવી પડશે તેમ કહીને યુવતીને ઘરની અંદરના રૂમમાં લઈ ગયેલો

યુવતીએ જણાવ્યું કે અંદરના રૂમમાં લઈ ગયા બાદ આરોપીએ ધુપ અગરબત્તીનો ધુમાડો કરીને યુવતીને સંમોહિત કરવા પ્રયાસ કરેલો. યુવતી અર્ધબેભાન જેવી થઈ ગઈ હતી. ત્યારબાદ વિશાલે દુષ્કર્મના ઈરાદે યુવતીના કપડાં ઉતારવા પ્રયાસ કરી શારીરિક અડપલાં કરવાનું શરૂ કરેલું. યુવતીએ તેનો પ્રતિકાર કરીને બહાર આવી ગયેલી.

ઘટનાની ગંભીરતાને પારખીને પોલીસે આરોપી વિશાલ ચંદુલાલ મોતા (ઉ.વ. ૨૪, રહે. મૂળ. બાગ, માંડવી)ની અટક કરી, વિધિવત્ ફરિયાદ નોંધી સત્તાવાર ધરપકડ કરી લીધી છે. માધાપર પીએસઆઈ ડાભીએ જણાવ્યું કે કૉર્ટે તેને પાલારા જેલના હવાલે કર્યો છે.

આરોપીની પ્રાથમિક પૂછપરછમાં બહાર આવ્યું છે કે આરોપી વિશાલે કર્મકાંડ કરતા કરતા કથિત તાંત્રિક વિધિની દુકાન ખોલેલી. ક્રાઈમ સિરિયલ ‘ક્રાઈમ પેટ્રોલ’માં એક તાંત્રિક યુવતીઓને સંમોહિત અને બેહોશ કરીને ગુના આચરતો હોવાનો એપિસોડ જોઈને તેણે પણ તેનું અનુકરણ કરવાનું શરૂ કરેલું. યુવતીઓને અર્ધબેહોશ કરવા માટે તે પરફ્યુમ જેવા પદાર્થનો છંટકાવ કરતો હતો. વિશાલે અગાઉ આ રીતે અન્ય સ્ત્રીઓને પણ હવસનો શિકાર બનાવી હોય તેવી આશંકા છે.