ગાંધીનગરના નાયબ શિક્ષણ નિયામકના પત્રના આધારે ઈન્ચાર્જ ડીપીઈઓ કમલેશ ખટારિયાએ આ સર્ક્યુલર જારી કર્યો છે.

સામાન્યતઃ અષાઢી બીજે કચ્છી નૂતન વર્ષ નિમિત્તે રજા જાહેર કરાતી હોય છે. પરંતુ, આ વખતે સરકારી તાયફો જારી રહે, અધિકારીઓ અને મંત્રીઓ શાળાના ભૂલકાં જોડે ફોટા પડાવે તે હેતુથી નવા વર્ષથી રજા રદ્દ કરવામાં આવી છે અને તેના બદલે નવરાત્રિના બીજા નોરતે (આસો સુદ બીજ) વળતર રજા જાહેર કરાઈ છે!

ગુજરાતમાં ભાજપની સરકારને ત્રણ દાયકા થયાં પરંતુ કચ્છમાં સરકારી પ્રાથમિક શિક્ષણની અવદશા યથાવત્ રહી છે. ત્યાં, સરકારી તાયફા ખાતર નવા વર્ષની રજા રદ્દ કરાતાં લોકોમાં રોષ અને કચવાટ ફેલાયો છે. ઉલ્લેખનીય છે કે, પોતાને કચ્છના મિત્ર ગણાવીને બેધડક સત્ય પીરસતાં હોવાના ભ્રામક દાવા કરતાં ‘ડૉગી મીડિયા’ના લોકો આ મામલે પ્રારંભથી જ ચૂપ છે.