૨૪-૦૪-૨૦૨૫ના રોજ ભુજ એ ડિવિઝનમાં દાખલ થયેલા ગુનામાં ભુજના એરપોર્ટ રોડ પર રુદ્ર રેસિડેન્સીમાં રહેતો જુસબ વલીમામદ કકલ નાસી ગયેલો. જુસબ સામે સસ્તાં સોનાના નામે ઠગાઈ સહિત લેન્ડગ્રેબિંગ, પોક્સો, લૂંટ અને હત્યાના પ્રયાસના બે ગુના સહિત આઠ ગુના નોંધાયેલાં છે. ધરપકડથી બચતો જુસબ ફોર્ડ કાર સાથે આણંદના વિદ્યાનગરમાં હોવાની માહિતીના આધારે સ્થાનિક પોલીસની મદદથી તેેને ઝડપી એલસીબી ભુજ લઈ આવી છે.

આરટીઓના ચોપડે જુસબના નામે સ્કોર્પિયો, આઈ ટ્વેન્ટી જેવી બે કાર અને બે દ્વિચક્રી વાહનો નોંધાયેલાં છે. આમ, જુસબની કથિતપણે જમીન દલાલ તરીકેની વાર્ષિક આવક માત્ર ત્રણ લાખ હોવા છતાં તેણે ગુના આચરીને ૫૫ લાખ ૨૮ હજાર ૮૦૦ રૂપિયાની વધુ મિલકત વસાવી હોવાનું તપાસમાં બહાર આવ્યું હતું. પીએસઆઈ એચ.આર. જેઠી અને તેમની ટીમે સઘન તપાસ હાથ ધરી છે.