આનાથી બન્નીના સરહદી વિસ્તારના ગામો કે જ્યાં પીવા કે ખેતી માટે પાણીની કોઈ સુવિધા નથી તેમને લાભ પહોંચશે. આ ગામડાં સુરક્ષાની દ્રષ્ટિએ ખૂબ મહત્વના છે. તેથી થોડો ખર્ચ કદાચ વધુ આવે તો પણ કેનાલ ૧૫ ક્યુમેકની બનાવવી જરૂરી છે.

નર્મદાના વધારાના એક મિલિયન એકર ફીટ પાણી કચ્છને ફાળવાયા છે તેમાંથી નોર્ધન લીંક કેનાલ, સધર્ન લીંક કેનાલ અને સારણના કામો ચાલું છે પણ હાઈ કન્ટુર કેનાલ તથા અબડાસા લીન્ક કેનાલની વહીવટી મંજૂરી આપી નથી. જે મંજૂરી તાત્કાલિક આપો. કારણ કે, બંને કેનાલ પશ્ચિમ કચ્છના સરહદી વિસ્તારોને લાગુ પડે છે. પાણી ના હોતાં લોકો સ્થળાંતર કરી રહ્યાં છે અને સરહદો સૂની પડી રહી છે. જે સુરક્ષાની દ્રષ્ટિએ જોખમી છે.

આ બેધારી નીતિ દૂર કરવી જોઈએ. જમીનની નવી માપણી થઈ છે તેવા ગામોના પ્રમોલ્ગેશનની કામગીરીમાં અસંખ્ય ક્ષતિઓ છે તેને તાત્કાલિક દૂર કરવી. ખેડૂતો એક ખેતરમાંથી બીજા ખેતરમાં કાંપ-માટી લઈ જાય ત્યારે ખનિજ તંત્રના નામે કનડગત કરાય છે તે દૂર થવી જોઈએ. વર્ષોથી શ્રીસરકાર થયેલી જે જમીનો ખેડૂતો ખેડે છે અને માલિકી હક્ક ધરાવે છે તેવી જમીનો ખેડૂતોના નામે રેગ્યુલર કરી આપવામાં આવે.

આ માટે રાજકીય લોકોએ જવાબદારી સ્વિકારી હતી પણ તેમણે આપેલી ખાતરી મુજબ હજુ સુધી વળતર આપવા માટે કોઈ પગલાં લેવાયાં નથી. ગૌચર અને તળાવો કંપનીઓને આપી દેવામાં આવે છે તે યોગ્ય નથી. તેનાથી પશુઓના ચરિયાણ માટે પ્રશ્નો ઊભાં થઈ રહ્યાં છે. ભુજના ટીનસીટી ગ્રાઉન્ડમાં વિશાળ સંમેલન બાદ ખેડૂતોએ કલેક્ટર કચેરી સુધી કૂચ કરી કલેક્ટરના માધ્યમથી મુખ્યમંત્રીને આવેદન પત્ર પાઠવ્યું હતું.