કોલેજ સંચાલક કિરીટભાઈ કારિયાએ જણાવ્યું કે ઘાયલ વિદ્યાર્થીની સાક્ષી ખાનિયા ગાંધીધામ બાજુની રહેવાસી છે અને ભુજની ભાનુશાલી હોસ્ટેલમાં રહીને તે કોલેજના પ્રથમ વર્ષમાં અભ્યાસ કરે છે. સાંજે શિક્ષણ કાર્ય પૂરું થઈ ગયાં બાદ તે કોલેજમાંથી નીકળીને હોસ્ટેલ તરફ જતી હતી ત્યારે કોલેજ સંકુલ બહાર ગેટ પાસે બનાવ બન્યો હતો.

છાત્રાને ગળા બાજુ ઈજાઓ પહોંચી છે જ્યારે જયેશ જયંતિજી ઠાકોર નામના યુવકને પેટ સહિતના અંગોમાં ઈજા થઈ છે. બનાવ અંગે લોકલ ક્રાઈમ બ્રાન્ચ સહિતની ટીમે તપાસ હાથ ધરી છે. ઘાયલ યુવક યુવતીને જી.કે. જનરલ હોસ્પિટલમાં સારવાર માટે ખસેડાયાં છે. ઘટનાસ્થળેથી ઘાયલ યુવકની બાઈક મળી છે. બાઈક પાછળ પોલીસના કલરકોડવાળા રેડિયમ ઈન્ડિકેટરમાં ઠાકોર લખેલું છે.