આજે ભુજ તાલુકાના ઝુરા ગામે આંગણવાડી પાસે ચાલતા સરુપાજી નામના બૂટલેગરના અડ્ડા પર પરોઢે પાંચ વાગ્યે સંગીતા નામની યુવતીએ ત્રાટકીને દેશી દારૂના વેચાણ સેવનનો વીડિયો રેકોર્ડ કરી વાયરલ કર્યો છે.

વીડિયો રેકોર્ડ કર્યાં બાદ યુવતી કોંગ્રેસના કાર્યકરો સાથે માધાપર પોલીસ મથકે ફરિયાદ નોંધાવવા ગઈ હતી. કોંગ્રેસના કિસાન મોરચાના હોદ્દેદાર યોગેશ પોકારે આરોપ કર્યો કે કલાકો વીતવા છતાં પોલીસ બૂટલેગર સામે ફરિયાદ દાખલ કરતી નથી.

થોડાંક સમય અગાઉ માધાપરમાં દારૂ વેચતાં બૂટલેગરોની એક યાદી સોશિયલ મીડિયા પર ફરતી થયેલી.

રોજ રાત પડે ને તેની ભઠ્ઠીઓ ધમધમે છે. એ જ રીતે, પોલીસ સ્ટેશન નજીક પણ એક કુખ્યાત બૂટલેગરનો અડ્ડો ધમધમે છે. કારીમોરી તળાવને અડીને આવેલા બગીચામાં પણ આખો દિવસ ઈંગ્લિશનું વેચાણ થતો હોવાનો વીડિયો પણ અગાઉ વાયરલ થયેલો. યોગેશ પોકારે આરોપ કર્યો છે કચ્છમાં સૌથી વધુ માધાપરમાં દારૂનું વેચાણ થઈ રહ્યું છે પરંતુ પોલીસ કોઈ પગલાં ભરતી નથી.