નશામાં ટલ્લી થયેલો ટ્રક ડ્રાઈવર માર્ગ પર સર્પાકારે વાહન હંકારતો હતો અને પાછળ જઈ રહેલી ગાડીના કોઈક ચાલકે ગંભીર દુર્ઘટના સર્જાવાની ભીતિથી તેનો લાઈવ વીડિયો રેકોર્ડ કરવાનું શરૂ કરેલું.

ઘટના બાદ ધોરડો પોલીસ સ્થળ પર દોડી આવી હતી. પોલીસે GJ-12 BY-5758 નંબરની ગાડીના ડ્રાઈવર મુન્ના યાદવ (કુશીનગર, યુપી) સામે દારૂ પીને વાહન હંકારવા સબબ ફરિયાદ નોંધી હતી. તો, પશુપાલક મામદ રહીમ સમાએ ગાયોને ટક્કર મારીને ૧.૧૮ લાખનું નુકસાન પહોંચાડવા સબબ અન્ય એક ફરિયાદ નોંધાવી છે.