ગઈકાલે સાંજે પડોશમાં રહેતી મહિલા ફરિયાદીના ઘરના આંગણામાં આવેલા લીંબુના ઝાડમાં લીંબુ લેવા ગયેલી ત્યારે મકાનના મુખ્ય દ્વારના તાળાં તૂટેલાં હોવાનું જોવા મળેલું. પડોશણે ફરિયાદીની પત્નીને ફોન પર જાણ કરતાં આજે તેઓ ભુજ દોડી આવ્યાં હતા.

તસ્કરો ૧.૩૫ લાખનો ૩ તોલા સોનાનો સેટ, ચાંદીના ૭ ઝૂડા અને ૭ કંદોરા, ગિફ્ટમાં આવેલી ચાંદીની ગાય, તુલસી ક્યારો, ગણપતિની મૂર્તિ, મંદિરમાં રહેલી ચાંદીની વાટકી, તુલસી ક્યારો, ટબુડી, દિવડા, છત્તર વગેરે મળીને ૯૩ હજારની કિંમતની ૧૪૦૦ ગ્રામ ચાંદીની ચીજવસ્તુ વગેરે મળી ૨.૫૩ લાખની માલમતા ચોરી ગયાં હોવાનું સ્પષ્ટ થયું છે.

ગાંધીધામના કિડાણામાં રીક્ષાચાલકના બંધ ઘરમાંથી ૨.૭૮ લાખના સોના ચાંદીના ઘરેણાંની ચોરી કરનાર બે ચોરને લોકલ ક્રાઈમ બ્રાન્ચે ગણતરીના કલાકોમાં ઝડપી પાડ્યાં છે. પોલીસે કિડાણામાં રહેતા જુમા આમદ રોહા (ઉ.વ. ૪૦) અને ઈબ્રાહિમ ઊર્ફે ગોબલી હુસેન ચાવડા (ઉ.વ. ૨૬)ને ઝડપી પાડી તેમની પાસે રહેલા ૪.૮૮ લાખના સોના ચાંદીના ઘરેણાં રિકવર કર્યાં છે. આરોપીઓ પાસેથી બે મોબાઈલ ફોન અને મોટર સાયકલ મળી પોલીસે કુલ ૫.૪૧ લાખનો મુદ્દામાલ કબજે કર્યો છે.

ફરિયાદી હાજી આમદ છુછીયા તેમના ૧૨ વર્ષના પુત્રને પેટમાં એપેન્ડિક્સનો દુઃખાવો થતો હોઈ સપરિવાર હોસ્પિટલે રોકાયાં હતા ત્યારે બંધ ઘરમાં આ ચોર બેલડીએ હાથફેરો કર્યો હતો.