ભુજના આલાવારા કબ્રસ્તાન સામે મટન માર્કેટ પાસે કિન્નર અખાડો આવેલો છે. આજે કિન્નર સંપ્રદાયના ગુરુ ભૂરીદે (ભૂમિબા)ની પહેલી વરસી હોઈ અલગ અલગ મઢના કિન્નરો માટે જમણવાર રાખવામાં આવ્યો હતો.

બેઉ જણ આલાવારા કબ્રસ્તાન પાસે રીક્ષાની રાહ જોતાં ઊભાં હતા ત્યારે એક કારમાં આવેલા કિરણદે નિશાદે (રહે. આશાપુરાનગર, ભુજ), રોશનીદે કિરણદે, સોફિયાદે કિરણદે અને નિશાદે વાગડવાળાએ બેઉ જણ જોડે ઝઘડો કરી બેઉને માર મારી મૂઢ ઈજાઓ પહોંચાડીને કૌશલ્યાદેએ પહેરેલી ત્રણ હજારની કિંમતની કાનની સોનાની કડી લૂંટી લીધી હતી.

બનાવ અંગે પોલીસે કૌશલ્યાદેની ફરિયાદના આધારે હુમલા સાથે લૂંટ સહિતની ગંભીર કલમો તળે ગુનો દાખલ કર્યો હતો.

કિન્નર અખાડાના મુખ્ય નાયકે ઘડેલાં નીતિ નિયમોનું પાલન ના કરતાં હોઈ આરોપી ચારેય કિન્નરનો છ માસ અગાઉ કિન્નર સમાજમાંથી બહિષ્કાર કરવામાં આવ્યો હતો. જેથી આજનો પ્રસંગ બગાડવાના હેતુથી તેમણે આ ગુનો આચર્યો હોવાનું ફરિયાદમાં લખાવાયું છે.

પોલીસે તેમની કોઈ વાત જ કાને ના ધરતાં તેમણે ફરિયાદ નોંધાવવાના આગ્રહ સાથે આખો દિવસ પોલીસ મથકે હોબાળો હંગામો કર્યો હતો. આ બનાવ સમગ્ર શહેરમાં ચર્ચાસ્પદ બની રહ્યો હતો. સમગ્ર ઘટનામાં પીઆઈની ભૂમિકા સામે ગંભીર સવાલો ઉઠી રહ્યાં છે.