દેવાભાઈ અને લક્ષ્મણ બેઉ જણ બીજા દિવસે માંડવી આવી પહોંચ્યાં હતાં. ઈમરાનને ફોન કરતાં તેણે પોતે ભુજમાં હોવાનું જણાવી બેઉને ભુજમાં હિલગાર્ડન પાસે બોલાવ્યાં હતાં.

અહીં ઈમરાન અને એક અજાણ્યો શખ્સ એક્ટિવાથી આવ્યાં હતાં. ઈમરાને પોતાની ઓળખાણ આપીને સ્વિફ્ટ કાર મગાવી બેઉને પોતાની કારમાં બેસાડીને સુખપર રતિયા રોડ પર આવેલા એક ફાર્મ હાઉસમાં લઈ ગયો હતો. અહીં હાજર બે ચીટર પૈકી સિકંદર નામના ચીટરે દેવાભાઈને ૧૦૦ ગ્રામ સોનાનું બિસ્કીટ બતાડી તેનો ભાવ ૬.૨૦ લાખ રૂપિયા કહ્યો હતો. એક લાખ રૂપિયા એડવાન્સ આપીને બિસ્કીટનું વજન અને પરીક્ષણ કરાવી લેવા જણાવેલું.

જેથી દેવાભાઈને ચીટરો પર ભરોસો બેસી ગયો હતો અને બીજા દિવસે ૧૨.૪૦ લાખ રૂપિયામાં બે બિસ્કીટ ખરીદવાનું નક્કી કરી ભુજમાં જ રોકાઈ ગયેલાં. 

બુધવારે આંગડિયા, યુપીઆઈ અને બેન્કમાંથી કુલ ૫.૪૪ લાખ રૂપિયાનો જોગ કરીને દેવાભાઈએ બાકીના ૭ લાખ રૂપિયા ગુરુવારે ધાનેરા પહોંચીને આંગડિયા મારફતે મોકલી આપવાની ખાતરી આપીને બે બિસ્કીટનો સોદો કરેલો. રૂપિયા મળ્યાં બાદ ચીટરોએ પોલીસનો ડર બતાવીને બેઉને ભચાઉમાં બિસ્કીટની ડિલિવરી આપવાનું કહી તેમની આગળ ગાડી લઈને ભચાઉ નીકળ્યાં હતાં.

જેથી બેઉ જણ આજે ફરી ભુજ આવી સીધાં ઈમરાનના ફાર્મ હાઉસ પર પહોંચ્યાં હતાં. ઈમરાને તેમને ફોન પર રાજસ્થાન બોર્ડરના ગામે બોલાવીને રૂપિયા પરત આપી દેવાનું આશ્વાસન આપેલું પરંતુ ચીટીંગની ગંધ આવી જતાં દેવાભાઈ તેમના મિત્ર લક્ષ્મણ જોડે સીધા માનકૂવા પોલીસ મથકે પહોંચ્યાં હતાં. માનકૂવા પોલીસે આ ગુનામાં સિદ્દીક સાલેમામદ ફકીર (રહે. કલ્યાણપર ગામ, ભુજ)ની અટક કરી લીધી છે.