જિલ્લાના ઈન્ચાર્જ આરોગ્ય અધિકારી ડૉ. કેશવકુમારે જણાવ્યું કે મુંદરામાં નોંધાયેલો પુરુષ દર્દી હાલ અમદાવાદની હોસ્પિટલમાં સારવાર તળે છે, બાકીના અન્ય દર્દીઓ હોમ આઈસોલેશનમાં સારવાર મેળવી રહ્યાં છે. કેશવકુમારે ઉમેર્યું કે નવા કેસોમાં વાયરસની કોઈ વિશેષ ગંભીર અસરો કે ઘાતક્તા જોવા મળી નથી, છતાં આરોગ્ય તંત્ર કોઈપણ પરિસ્થિતિ માટે સંપૂર્ણ સજ્જ છે. જેમની રોગ પ્રતિકારક શક્તિ ઓછી હોય તેવા લોકો વધુ ઝડપથી કોવિડના સંક્રમણનો ભોગ બને છે, પરંતુ હાલની પરિસ્થિતિ જોતાં વિશેષ ચિંતા કરવાની કોઈ જરૂર નથી.