તે સમયે અડધી રાત્રે બાઈક પર ગામમાં જઈ રહેલાં ટ્રીપલ સવાર યુવકોને અટકાવીને ‘તમે કોણ છો અને ક્યાં જાવ છો?’ તેવી પ્રાથમિક પૂછપરછ કરી હતી. યુવકોએ પોતે રાપરના બાદરગઢના હોવાનું જણાવી પોતાના નામ જણાવી ત્યાંથી જતાં રહેલાં.

મારતી વખતે તેમણે ભુરાભાઈને જાતિ અપમાનિત કરતાં અપશબ્દો બોલ્યાં હતાં. હુમલા બાદ ત્રણે બાઈક પર નાસી છૂટ્યાં હતાં. બનાવ અંગે સામખિયાળી પોલીસે અનિલ ડાયા કોલી, સુનીલ બાબુ કોલી અને કિશન માનસંગ કોલી નામના ત્રણે યુવકો સામે ફરજમાં રૂકાટવટ, હુમલો, એટ્રોસીટી સહિતની કલમો તળે ગુનો નોંધ્યો છે.

ભુજમાં શનિવારે રાત્રે કોમ્બિંગ દરમિયાન શહેરના ભુદરમલ પેટ્રોલ પંપ ત્રણ રસ્તા પર પોલીસે પૂરઝડપે દ્વિચક્રી પર જઈ રહેલા બે યુવકોને અટકાવવા પ્રયાસ કરતાં તેમણે માથાકૂટ કરી ફરજમાં રૂકાવટ કર્યાનો બનાવ બન્યો છે. રાત્રે અઢી વાગ્યાના અરસામાં ભુજ બસ સ્ટેન્ડ તરફથી પૂરઝડપે આવી રહેલાં બંને યુવકોને હેડ કોન્સ્ટેબલે ટોર્ચની લાઈટથી ગાડી ઊભી રાખવા ઈશારો કર્યો હતો પરંતુ બેઉ જણે પોલીસને જોઈને ઉલટાની ગાડીને મારી મૂકી હતી.

પોલીસે જણાવ્યું કે ચાલક પાસે કોઈ ડ્રાઈવીંગ લાયસન્સ પણ નહોતું. પોલીસે ચાલક આતીફ ઈબ્રાહીમ સમા અને આતિર ઈબ્રાહીમ સમા નામના જૂની મચ્છીપીઠ, સુમરાડેલીમાં રહેતાં બાવીસ વર્ષના બે ભાઈઓ વિરુધ્ધ ફરજમાં રૂકાવટ સહિતની કલમો તળે ગુનો નોંધ્યો છે.