ગુજરાતમાં દારૂબંધીના મુદ્દે શરૂ થયેલી રાજનીતિ અને કોંગ્રેસના જનતા રેઈડના એલાન વચ્ચે આ તોડબાજ પત્રકાર ભુજના એક બૂટલેગરના અડ્ડા પર સ્ટીંગ ઓપરેશન કરીને ઊઘરાણું કરવા જતાં બરાબરનો ખોખરો થઈ ગયો છે અને શરીરના બધાં નટ, બોલ્ટ, ચાકી ઢીલાં થઈ ગયાં છે!

જો કે, તોડબાજીના કેસોના પગલે પોલીસે જારી કરેલી પ્રેસનોટો, ફોટા અને વીડિયોથી કુખ્યાત થઈ ગયેલાં આ લુખ્ખેશભાઈના ચહેરાંને ઓળખી ગયેલાં બૂટલેગરના માણસોએ તેને ઘેરી લઈને, એક ઓરડીમાં લઈ જઈને સરખો કૂટી નાખ્યો હતો. દારૂબંધીની રાજનીતિની વહેતી ગંગામાં હાથ ધોઈ લેવા આવા કહેવાતા તોડબાજ પત્રકારો અને કથિત જાગૃત નાગરિકો સક્રિય થઈ જતાં બૂટલેગરો પણ ડબલ એલર્ટ થઈ ગયાં છે!