હનીફ જાકબ બાવા પઢિયાર, તેના ભત્રીજા હાફિઝ કાસમ પઢિયાર (પડેયાર) તથા અન્ય સાગરીતો મળી ૨૧ લોકોએ અલ્તાફ મામદ હિંગોરા અને તેના ભાઈ જાવેદ પર ગાડીઓમાં આવી ધોકા પાઈપોથી ઘાતક હુમલો કરેલો.

ફરિયાદ દાખલ થયાં બાદ આરોપી અંડરગ્રાઉન્ડ થઈ ગયા હતા. એલસીબી પીઆઈ એ.એમ. મકવાણાએ આરોપીઓને પકડવા વિવિધ ટીમો બનાવેલી. પોલીસે ટેકનિકલ અને હ્યુમન સર્વેલન્સના આધારે આજે આઠ જણની  બે કાર, ધોકા, પાઈપ વગેરે હથિયારો સાથે ધરપકડ કરી છે.

ગુનાનો મહત્વનો આરોપી હનીફ જાકબ બાવા પઢીયાર હજુ ઝડપાયો નથી. પોલીસે જણાવ્યું કે હાફીઝ સામે અગાઉ ભુજમાં આર્મ્સ એક્ટ અને વન વિભાગના ચોપડે વન્ય પ્રાણી સંરક્ષણ અધિનિયમના બે ગુના નોંધાયેલાં છે.