૯મી જૂલાઈ ૨૦૨૫ના રોજ સેન્ટ્રલ બેન્ક ઑફ ઈન્ડિયાના રીજનલ હેડ ડી.આર. અગ્રવાલે બેન્કના એગ્રિકલ્ચર ફાઈનાન્સ ઑફિસર અક્ષય રીઠે અને હંગામી કર્મચારી ભરત બાબુભાઈ બકોત્રા વિરુધ્ધ ૩૦.૯૪ લાખની ઠગાઈ, નાણાંકીય ઉચાપતની ફરિયાદ નોંધાવી હતી.

બેઉ જણે મેળાપીપણું રચીને આ નાણાં હજમ કર્યાં હોવાનો બેન્કે ફરિયાદમાં આરોપ લગાવ્યો હતો. તપાસમાં બહાર આવ્યું હતું કે ભરતના ખાતામાં હજુ ૧૨.૨૪ લાખ રૂપિયા પડેલાં છે. ફરિયાદ નોંધાયા બાદ ભરત પોલીસ તપાસથી નાસતો ફરે છે. સાતમા અધિક સેશન્સ જજ એન.પી. રાડિઆએ ભરતની અરજી ફગાવતાં જણાવ્યું કે બેન્ક સ્ટેટમેન્ટ પરથી આરોપીની ગુનામાં સંડોવણી હોવાનું પ્રથમદર્શનીય રીતે તરી આવે છે. ગુનો ગંભીર છે અને આરોપીનું કસ્ટોડિયલ ઈન્ટરોગેશન જરૂરી છે. ઉલ્લેખનીય છે કે આ ગુનામાં અગાઉ અક્ષયની ધરપકડ થઈ ચૂકેલી છે.