પોલીસની હાજરી પારખી ગયેલા ઈમ્તિયાઝે ધરપકડથી બચવા કારને ભુજ શહેરમાં પૂરઝડપે ભયજનક રીતે હંકારી હતી.

પોલીસને હંફાવીને ઈમ્તિયાઝ ભાગી ગયો હતો. બનાવ અંગે એલસીબીએ ભુજ બી ડિવિઝન પોલીસ મથકે ઈમ્તિયાઝ અને કારમાં સવાર તેના સાગરીતો સામે બીએનએસ અને મોટર વેહિકલ એક્ટની કલમો તળે ફરિયાદ નોંધાવી હતી.આ કેસમાં ઈમ્તિયાઝે સેશન્સ કૉર્ટમાં આગોતરા જામીન મેળવવા અરજી કરેલી.

સામા પક્ષે સરકાર તરફે એડવોકેટ દિનેશભાઈ ઠક્કરે પણ આગોતરા નામંજૂર કરવા દલીલો કરેલી.

સેશન્સ જજ દિલીપ પી. મહિડાએ અરજી ફગાવી દેતાં જણાવ્યું કે આરોપીનું એફઆઈઆરમાં નામ છે અને તેની સામે પ્રથમદર્શનીય કેસ છે. તપાસ પ્રાથમિક તબક્કે છે. તે જે રીતે વાહનોને ટક્કર મારીને નાસેલો તે જોતાં ટ્રાયલ સમયે હાજર રહેશે કે કેમ તેની શંકા છે. ગુનાનો પ્રકાર, ગંભીરતા અને આરોપીની ભૂમિકા જોતાં આગોતરા જામીન આપવા ઉચિત જણાતું નથી.