દબાણોમાં ચા-નાસ્તાની હોટેલો અને દુકાનો સહિતના કોમર્સિયલ દબાણોનો સમાવેશ થાય છે. ભુજના પ્રાંત અધિકારી અતિરાગ ચપલોતે જણાવ્યું કે નેશનલ હાઈવે ઑથોરીટી બે લેનનો રોડ ફોર લેનમાં પરિવર્તિત કરવાની હોઈ દબાણકારોને અગાઉ ત્રણવાર નોટીસો પાઠવાઈ હતી.

આજથી શરૂ થયેલી દબાણ હટાવ ઝુંબેશ અંતર્ગત ભુજ તાલુકાના ગ્રામ્ય વિસ્તારો માટે આજથી લઈ આગામી રવિવાર ૨૨ જાન્યુઆરી સુધીના એક સપ્તાહ દરમિયાન CrPC કલમ ૧૪૪ અંતર્ગત સમગ્ર તાલુકામાં ક્યાંય પણ અનધિકૃત રીતે મંડળી બનાવીને એકઠાં થવા પર અધિક જિલ્લા મેજિસ્ટ્રેટ મિતેશ પંડ્યાએ જાહેરનામું પ્રગટ કરી પ્રતિબંધ ફરમાવી દીધો છે. દરમિયાન, ભુજ (ગ્રામ્ય) મામલતદારે ધ્રોબાણાના કાદીવાંઢમાં સરકારી પડતર જમીન સર્વે નંબર ૫૪ પર ખડાં કરી દેવાયેલાં ગેરકાયદે ધાર્મિક દબાણને ૪૮ કલાકમાં તત્કાળ દૂર કરવા ૧૩-૦૧-૨૦૨૨ના રોજ નોટીસ પાઠવી ૧૫-૦૧-૨૦૨૨ સુધીમાં જગ્યાનો કબ્જો સુપ્રત કરવા સૂચના આપેલી. આગામી રવિવાર સુધીમાં આ ધાર્મિક દબાણ સહિતના અન્ય દબાણોને પણ તોડી પાડવામાં આવે તેવી શક્યતા છે.