ગત એપ્રિલ મહિનામાં અજાણ્યા મોબાઈલ નંબર પરથી તેને ‘દક્ષી એલાઈટ ઈન્વેસ્ટમેન્ટ’ નામની કંપનીના વોટસએપ ગૃપમાં એડ કરાયો હતો. આ કંપની શેર માર્કેટમાં રોકાણ કરવા ઈચ્છતાં કે આઈપીઓમાં ઈન્વેસ્ટમેન્ટ કરવા ઈચ્છતાં રોકાણકારોને માહિતી માર્ગદર્શન આપે છે. કંપનીએ પોતાનો સક્સેસ રેટ સારો હોવાનો દાવો કરેલો.

સાયબર માફિયાઓએ તેને રજિસ્ટ્રેશન માટે એક ઓનલાઈન લિન્ક મોકલેલી અને એક ઓનલાઈન વૉલેટ એપ ડાઉનલોડ કરાવેલી. આ એપમાં ફરિયાદીએ રોકેલાં નાણાં અને સામે તેને મળેલા રિટર્નની વિગતો જોવા મળતી.

દરમિયાન, કંપનીએ તેને IPOમાં ઈન્વેસ્ટ કરવા સલાહ આપેલી અને ફરિયાદી પાસે રોકાણ માટે નાણાં નહોતા તો તેના વૉલેટ પર ૧૮ લાખની લોનની પણ ઑફર કરેલી. ફરિયાદીએ ૧૮ લાખની લોન મેળવીને IPOમાં રોકાણ કરેલું અને તેમાં પણ તે સારું રિટર્ન કમાયો હતો.

પોતાની સાથે ફ્રોડ થયું હોવાનું જણાતાં અજીતે ઓનલાઈન સાયબર ક્રાઈમ પોર્ટલ પર ફરિયાદ નોંધાવી હતી. જેના આધારે ભુજ સાયબર ક્રાઈમ પોલીસ મથકે આજે તેની ફરિયાદ દાખલ કરી છે.