તપાસ દરમિયાન કસ્ટમે ચીનની મેટા ફાયરવર્કસ નામની કંપનીમાંથી માલ મગાવી, મિસ ડિક્લેરેશન કરનાર પરાગ હરીશ રૂપારેલ (ઉ.વ. ૪૪, રહે. યુનિક એપાર્ટમેન્ટ, ચુનાભઠ્ઠી (ઈસ્ટ) મુંબઈ)ની ધરપકડ કરેલી.

કસ્ટમની તપાસમાં બહાર આવેલું કે પરાગે જ ગારમેન્ટ એક્સપોર્ટ ઈમ્પોર્ટનો કોડ મેળવનાર સીટી ઈમ્પેક્સ નામની પેઢીનું લાયસન્સ એજન્ટ મારફતે બે લાખમાં મેળવેલું. બાદમાં તેણે ચાઈનીઝ પેઢીમાં ફોન પર ફટાકડાંનો ઓર્ડર આપીને એક કન્ટેઈનરમાં માલ ઈમ્પોર્ટ કરેલો.

પોર્ટ પર કસ્ટમ ક્લિયરન્સની પ્રક્રિયા વખતે પરાગે જ બીલ ઑફ લેન્ડિંગ, બીલ ઑફ એન્ટ્રી, પેકિંગ લીસ્ટ, કૉમર્સિયલ ઈન્વોઈસ વગેરે જેવા દસ્તાવેજો રજૂ કરેલાં.

પોતાને ઈમ્પોર્ટર પેઢી સાથે કશું લાગતું વળગતું ના હોવાના આરોપીના બચાવ સામે કસ્ટમ વતી વિશેષ સરકારી વકીલ કલ્પેશ ગોસ્વામીએ ગુનામાં પરાગની મુખ્ય ભૂમિકાનો ચિતાર કૉર્ટ સમક્ષ વર્ણવીને સ્મગલિંગનો તે જ માસ્ટર માઈન્ડ હોવાનું અને રેકર્ડ પરથી ગુનામાં તેણે ભજવેલી મુખ્ય ભૂમિકા સ્પષ્ટ રીતે વર્તાઈ આવતી હોવાનું જણાવીને તપાસ નાજૂક તબક્કે ચાલી રહી છે, તેને જામીન પર છોડાય તો સાક્ષીઓ અને પુરાવાને હેમ્પર અથવા ટેમ્પર કરી શકે તેમ છે તેવી આશંકા દર્શાવી હતી.