૧૮ ઑગસ્ટે હિરેનને અક્ષરા નામના એકાઉન્ટ પરથી પાર્ટટાઈમ જૉબ કરવા ઈચ્છો છો? તેવો એક મેસેજ મળેલો. હિરેને હા પાડતાં તેને રીપ્લાયમાં એક વેબસાઈટની લિન્ક મોકલવામાં આવેલી. આ વેબસાઈટમાં તમે જેટલાં રૂપિયા ભરો અને ઓર્ડર કન્ફર્મ કરો એટલે દોઢા રૂપિયા મળતાં હતાં.

૨૩ ઑગસ્ટે તેણે ૧૨ લાખ ૫૦૬૪ રુપિયાનું ઈન્વેસ્ટ કરેલાં. તેની સામે મળવાપાત્ર વળતર ૨૪ લાખ રૂપિયા દર્શાવાયેલું. હિરેને નાણાં વિડ્રો કરવા પ્રયાસ કર્યો ત્યારે આંબાઆંબલી બતાડાતાં પોતે બાટલીમાં ઉતરી ચૂક્યો હોવાનો તેને અહેસાસ થયેલો. પોલીસે અજાણ્યા ચીટરો સામે ગુનો નોંધી તપાસ હાથ ધરી છે.