ફરિયાદમાં ગુનાનો ભોગ બનનાર યુવતીએ જણાવ્યું છે કે તે જ્યારે સગીર વયની હતી ત્યારે આકાશના પરિચયમાં આવેલી. આકાશે તેની સાથે મિત્રતા કેળવેલી અને લગ્ન કરવાની લાલચ આપેલી.

એટલું જ નહીં, તેની માગણીને વશ ના થઈ તો એકવાર ફરિયાદીની પરિચિત વ્યક્તિને તે અશ્લીલ ફોટો વીડિયો મોકલી આપીને વાયરલ કર્યાં હતા. આ બનાવના પગલે વિવાદ થતા આકાશે તેની જોડે લગ્ન કરવાનો વાયદો કરીને ખાતરી માટે નોટરી પાસે લખાણ લખી આપ્યું હતું. જો કે, આકાશ ના સુધરતા અને તેનો ત્રાસ સતત જારી રહેતા યુવતીએ પોલીસનું શરણ લીધું છે. પોલીસે આરોપીની ધરપકડ કરી લીધી છે.