જાકબે ફરિયાદમાં જણાવ્યું કે તે ટ્રક માલિક છે અને તેનો ડ્રાઈવર અકબર મામદ જત ભુજ શહેર અને આસપાસના વિસ્તારોમાંથી કાયદેસરની ખાણોમાંથી ટ્રકમાં રેતી, પથ્થર, ટોડાં, કાંકરી વગેરેના ફેરાં કરે છે. દોઢેક માસ અગાઉ તેનો ડ્રાઈવર રેતી ભરીને માનકૂવા આવતો હતો ત્યારે સુમરાસર જતના પીરવાળી ફાટકે નંબર વગરની વર્ના કારમાં આવેલા વાજીદ અને અલીએ તેને અટકાવ્યો હતો.

ત્યારબાદ કોની ટ્રક છે? બિલ છે? વગેરે પૂછપરછ કરેલી. ડ્રાઈવરે બેઉને બિલ્ટી, લીઝ રોયલ્ટીના કાગળિયા બતાડેલાં.

આ અંગે ડ્રાઈવરે જાકબને વાત કરતાં જાકબે પ્રાથમિક તપાસ કરતાં જાણવા મળેલું કે બેઉ જણ આ રીતે કારમાં ફરીને પત્રકારના નામે ઉઘરાણાં કરતાં ફરે છે.

ડ્રાઈવરે જાણ કરતાં જાકબ સ્થળ પર દોડી ગયો હતો. બેઉ જણે તેને મોબાઈલમાં ટ્રકના પાડેલા ફોટા બતાવીને રૂપિયા ના મળે તો હેરાન પરેશાન કરવાની ધમકી આપીને એક જણના પાંચ હજાર લેખે દસ હજાર રૂપિયા માંગેલાં.

બનાવ અંગે માનકૂવા પોલીસે તપાસ શરૂ કરી છે. આ બંનેની તોડબાજીનો ભોગ બનેલાં અન્ય લોકો પણ ફરિયાદ નોંધાવવા આગળ આવે તેવી શક્યતા છે.