અંકિતે જણાવ્યું કે તે ૨૦૦૩માં ભુજની કૉલેજમાં ભણતો હતો ત્યારથી દર્શિત મહેતા તેનો મિત્ર હતો. કૉલેજ અભ્યાસ બાદ દર્શિત દુબઈ જતો રહેલો. ૨૦૨૩માં દર્શિત ભુજમાં તેને રૂબરૂ મળવા આવ્યો હતો. દર્શિતે તેને જણાવ્યું હતું કે હાલ તે સુરતમાં એક ટાઈલ્સ કંપનીના એરિયા સેલ્સ મેનેજર તરીકે નોકરી કરે છે.

વર્ષો જૂનાં મિત્રની વાતો પર ભરોસો કરીને અંકિતે તેના બેન્ક એકાઉન્ટથી ૨૭-૧૦-૨૦૨૩થી ૨૫-૧૧-૨૦૨૪ના ૧૩ માસના સમયગાળા દરમિયાન ટૂકડે ટૂકડે ૧૮ વખત દર્શિતના જણાવ્યા મુજબ તેના ભાઈ નિરવના ખાતામાં ૧ કરોડ ૬ લાખ ૪૫ હજાર રૂપિયા ટ્રાન્સફર કરાવ્યાં હતાં.

છેલ્લે ૨૫-૧૦-૨૦૨૪ના રોજ દોઢ લાખ જમા કરાવ્યાં બાદ દર્શિતે વાયદાબાજી શરૂ કરી દીધેલી. બિલ્ડરનું કૌભાંડ નીકળ્યું હોઈ તે અંડરગ્રાઉન્ડ થઈ ગયો છે તેવું કહીને દર્શિતે બે ચાર મહિનાનો ટાઈમ ખેંચી કાઢ્યો હતો. ગયા મહિનાથી દર્શિતના મોબાઈલ ફોન નંબરો બંધ થઈ ગયેલાં.

બનાવ અંગે અરજીના આધારે લોકલ ક્રાઈમ બ્રાન્ચે ગુનો દાખલ કરાવીને આરોપી દર્શિતને ભુજમાંથી જ દબોચી લઈ બી ડિવિઝનના હવાલે કર્યો છે.