ગાંધીધામના સરનામે નોંધાયેલી આદમ સ્મિથ કૉમોડિટીઝ પ્રાઈવેટ લિ. અને વારસુર ઈમ્પેક્સ પ્રા.લિ.ના સરનામે તપાસ કરતાં આવી કોઈ વેપારી પેઢીઓ અસ્તિત્વમાં ના હોવાનું સ્પષ્ટ થયેલું.

CGST વિભાગે તપાસ કરતાં આ કંપનીઓના બે સૂત્રધાર સાઉથ દિલ્હીમાં રહેતાં હોવાનું બહાર આવેલું. બંનેના વિસ્તૃત નિવેદનો, પૂછપરછ બાદ ગયા મહિને બેઉની ધરપકડ કરાયેલી.

આ બેઉ વકીલોએ  જણાવ્યું હતું કે ગુનો મહત્તમ પાંચ વર્ષની કેદની સજાને પાત્ર છે, જામીન એ નિયમ છે અને જેલ એ અપવાદ છે, કેસ કમ્પાઉન્ડેબલ ઓફેન્સ (માંડવાળ પાત્ર ગુનો) છે, આશિષની ૮૭ વર્ષિય માતા અલ્ઝાઈમરની પીડાય છે. વારસુર ઈમ્પેક્સ પ્રા.લિ. નામની બોગસ પેઢી ધરાવતા વરુણ ટંડને પણ જામીન અરજી દાખલ કરેલી.

DGGI વતી બેઉ આરોપીની જામીન અરજી નામંજૂર કરવા દલીલ કરતાં સ્પેશિયલ પબ્લિક પ્રોસિક્યૂટર કલ્પેશ ગોસ્વામીએ જણાવ્યું હતું કે ગુનો કંપાઉન્ડેબલ ઓફેન્સ છે પરંતુ આરોપીઓની પેનલ્ટી સહિત ૩૩.૩૬ કરોડ રૂપિયા ચૂકવવાની કોઈ દાનત જ નથી, અન્યથા CGST વિભાગ તો માંડવાળ કરવા તત્પર જ છે!

ગોસ્વામીએ ITCનો ફ્લૉ ચાર્ટ રજૂ કરીને દલીલ કરી હતી કે જામીન અરજી સમયે આરોપીની ગુનામાં પ્રથમદર્શનીય સંડોવણી જોવાની હોય છે, પુરાવાનું મૂલ્યાંકન કરવાનું હોતું નથી. આરોપીઓની ગુનાહિત માનસિક્તા, ગુનામાં તેમની સંડોવણી, ભૂમિકા જોવી જરૂરી છે. કારણ કે, એક રૂપિયાનો માલ સામાન ખરીદ વેચાણ કર્યાં વગર તેમણે આ કૌભાંડ આચર્યું છે.

સ્પષ્ટ રીતે આ વ્હાઈટ કૉલર ક્રાઈમ છે. બંને પક્ષની દલીલો, ઉપલબ્ધ પુરાવા અને કાયદાકીય જોગવાઈઓને અનુલક્ષીને ગાંધીધામના ચોથા અધિક સેશન્સ જજ એ.એમ. મેમણે આશિષ મદન અને દસમા અધિક સેશન્સ જજ લલિત ડી. વાઘે વરુણ ટંડનની જામીન અરજીઓ ફગાવી દીધી હતી.