ગામના સરપંચ લતીફભાઈ સહિતના લોકોએ આ શખ્સને પડકારીને પોલીસને જાણ કરી હતી. પરિણામે, તે દારૂ ભરેલી ગાડી લઈને ભુજ તરફ ભાગી ગયો હતો.

પરિણામે, પોલીસે તથાકથિતપણે આ ગાડીનો પીછો કરીને ભીરંડિયારા ટોલ નાકા પાસે ઝડપી પાડી હતી. GJ-12 CP-0962 નંબરની સફેદ ફોરચ્યુર કારની ડીકીમાંથી પોલીસે વ્હિસ્કીની ૩૬ અને વોડકાની ૧૨ બોટલ મળી ૨૬ હજારની કિંમતની ૪૮ બોટલ જપ્ત કરી ડ્રાઈવર મહાવીરસિંહ બળવંતસિંહ સોઢા (રહે. વેરસરા, રાપર) સામે ગુનો દાખલ કર્યો છે.

ખાવડા નજીક આરઈ પાર્ક સહિતના વીજ મથકો અસ્તિત્વમાં આવ્યાં છે. આ વીજ મથકોમાં મોટાપાયે પરપ્રાંતીય મજૂરો કામ કરી રહ્યાં હોઈ ગાંધીધામ અને મુંદરાની જેમ અહીં પણ મોટાપાયે દેશી વિદેશી દારૂની બદી વ્યાપક બની છે. પશ્ચિમ કચ્છમાં મુંદરાની જેમ ખાવડા પણ હવે ‘કમાઉ’ પોલીસ મથકમાં ગણાવા માંડ્યું છે.

ખાવડામાં અગાઉ પણ ખુલ્લેઆમ દેશી અને વિદેશી દારૂના વેચાણની   વીડિયો ક્લિપો વાયરલ થયેલી છે. પરંતુ, ભુજમાં બેસતાં SP, DySPના પેટનું જરાય પાણી હલતું નથી. ખરેખર તો આ પ્રકારના વીડિયો વાયરલ થતાં જ જે-તે પોલીસ મથકના પીઆઈ સામે કડક એક્શન લેવાતાં હોય છે. અષાઢી બીજે  ભુજમાં કહેવાતો બિન સરકારી કાર્નિવલ યોજાવાનો છે ત્યારે પશ્ચિમ કચ્છમાં કથળેલી કાયદો અને વ્યવસ્થાની પરિસ્થિતિને અનુલક્ષીને ભુજની જનતા જોઈ જાળવીને તેમાં ભાગ લે તે હિતાવહ છે. કારણ કે, સેંકડો લોકો એકઠાં થશે ત્યારે જો તેને અનુરૂપ સલામતી વ્યવસ્થા નહીં ગોઠવાઈ હોય તો મજાના બદલે વગર કારણે સજા મળી શકે છે.