ભોગ બનનાર કિશોરી પિતા જોડે શાકભાજીની લારી પર જતી હતી. તે સમયે મોટર સાયકલથી અવારનવાર ત્યાં આવીને મોહસીને તેને પ્રેમજાળમાં ફસાવેલી. એકવાર તેને રાત્રે એકલી બોલાવીને કિશોરીની મરજી વિરુધ્ધ શારીરિક સંબંધ બાંધેલો.

ભુજ કૉર્ટે ૨૩ દસ્તાવેજી પુરાવા અને ૧૨ સાક્ષીઓ તપાસીને વિશેષ જજ જે.એ. ઠક્કરે મોહસીનને POCSO Actની કલમ ૫ (એલ), ૬ મુજબ ૨૦ વર્ષનો સખ્ત કારાવાસ અને ૫૦ હજાર રૂપિયા દંડ ફટકાર્યો છે. એ જ રીતે, BNSની કલમ ૮૭ હેઠળ ૫ વર્ષની સખ્ત કેદ સાથે પાંચ હજાર રૂપિયા દંડ તથા કલમ ૧૩૭ તળે ૫ વર્ષની સખ્ત કેદ સાથે ૩ હજાર રૂપિયા દંડ ફટકાર્યો છે.

આ કેસમાં પ્રોસિક્યુશન તરફે મુખ્ય જિલ્લા સરકારી વકીલ એચ.બી. જાડેજાએ સાક્ષીઓ તપાસી દલીલો કરેલી. કાયદા સહાયક તરીકે એડવોકેટ માલશ્રી ગઢવીએ સેવા આપેલી,