તે સમયે ગામમાં રહેતા હાજીખાન ઓસમાણખાન બલોચ (ઉ.વ. ૪૪, રહે. સદુરાઈ વિસ્તાર, ભારાસર રોડ, માનકૂવા)એ ધોકાથી તેના પર હુમલો કરેલો.

બનાવ અંગે તત્કાલિન ઈન્ચાર્જ પીઆઈ વાય.પી. જાડેજાએ હત્યા, એટ્રોસિટી સહિતની કલમો તળે ફરિયાદ નોંધી હતી. આ કેસમાં હત્યાને નજર જોનાર વિનોદના બે મિત્રોએ આપેલી સમર્થનકારી જુબાની, ગામના સીસીટીવી ફૂટેજના પુરાવા, ધોકા પરથી મળી આવેલા બ્લડના પુરાવા સહિતના ૩૯ દસ્તાવેજી પુરાવા અને ૧૯ સાક્ષીઓના આધારે ભુજના આઠમા અધિક સેશન્સ જજ અને એટ્રોસિટી કૉર્ટના વિશેષ જજ તુષાર એન. ખંધડીયાએ હાજીખાનને સખ્ત આજીવન કારાવાસ સાથે પચાસ હજાર રૂપિયાનો દંડ ફટકાર્યો છે.

ગુનાની તપાસ પશ્ચિમ કચ્છ SC/ST Cellના તત્કાલિન DySP આશિષ એ. પંડ્યાએ કરેલી. કેસમાં સરકાર તરફે અધિક જિલ્લા સરકારી વકીલ પ્રવિણચંદ્ર વી. વાણિયાએ હાજર રહીને તહોમતનામું પુરવાર કરવા દલીલો કરી હતી.