કોંગ્રેસના ધારાસભ્ય સાથેના પ્રતિનિધિ મંડળમાં ભુજમાં એસપીને રજૂઆત કરવા ગયેલા ઈભલા શેઠ નામના શખ્સને પોલીસ કંટ્રોલ રૂમમાં ગેરકાયદે ગોંધીને ઢોર માર મારવાના ૧૯૮૪ના કેસમાં ભુજની લૉઅર કૉર્ટે તત્કાલિન SP કુલદીપ નિરંકરનાથ શર્મા અને PSI ગિરીશ હસમુખરાય વસાવડાને ૧૦-૦૨-૨૦૨૫ના રોજ ત્રણ મહિનાની સાદી કેદ અને એક એક હજારનો દંડ ફટકાર્યો હતો.

જે-તે સમયે બનાવ અંગે ભુજમાં જ્યુ. મેજિસ્ટ્રેટની કૉર્ટમાં ફરિયાદ દાખલ કરાઈ હતી. કૉર્ટે કુલદીપ શર્મા અને જી.એચ. વસાવડાને ઈભલા શેઠને પોલીસ કંટ્રોલ રૂમમાં ગેરકાયદે રીતે અડધો કલાક ગોંધી રાખી એકમેકની મદદ કરવા બદલ ઈપીકો કલમ (૩૪૨, ૩૪, ૧૧૪) હેઠળ દોષી ઠેરવી ત્રણ માસની સાદી કેદ અને એક એક હજારનો દંડ ફટકાર્યો હતો.

ફરિયાદ પક્ષના વકીલે તેનો વિરોધ કરી દલીલ કરી હતી કે આ અરજી ત્યારે જ કરી શકાય જ્યારે આરોપીઓએ સજાના હુકમને ઉપલી અદાલતમાં ચેલેન્જ ના કર્યો હોય. કૉર્ટે પ્રોબેશનની અરજી ફગાવી દેતા બેઉ નિવૃત્ત અધિકારીએ કૉર્ટના હુકમ સામે વડી અદાલતમાં અપીલ કરવા માટેનો સમય માંગી ત્યાં સુધી સજાના હુકમ પર સ્ટે ફરમાવવા અરજી કરી હતી.

કેસમાં ફરિયાદ પક્ષે ભુજના સિનિયર એડવોકેટ આર.એસ. ગઢવી અને તેમના સહાયક એડવોકેટ વી.જી. ચૌધરી, વિશ્વા પરમાર, શિવમ સોલંકી હાજર રહ્યા હતા. સરકાર તરફે મુખ્ય જિલ્લા સરકારી વકીલ એચ.બી. જાડેજાએ દલીલો કરી હતી.

કચ્છના પૂર્વ કલેક્ટર પ્રદીપ શર્મા, તત્કાલિન નિવાસી નાયબ કલેક્ટર અજીતસિંહ એમ. ઝાલા, ભુજના તત્કાલિન ટાઉન પ્લાનર નટુભાઈ એમ. દેસાઈ અને તત્કાલિન નાયબ મામલતદાર નરેન્દ્ર પી. પ્રજાપતિને મુંદરાના જિન્દાલ સૉ પાઈપ્સ લિમિટેડ નામના ઔદ્યોગિક એકમને ગેરકાયદે જમીન ફાળવણી કરવાના ગુનામાં ભુજની નીચલી અદાલતે ૧૯-૦૪-૨૦૨૫ના રોજ દોષી ઠેરવી પાંચ વર્ષની સખ્ત કેદ સાથે પ્રત્યેકને દસ હજાર રૂપિયાનો દંડ ફટકાર્યો હતો.

આરોપીઓને નીચલી કૉર્ટે ઈપીકો કલમ  ૨૧૭, ૪૦૯, ૧૨૦ (બી) હેઠળ દોષી ઠેરવેલાં. સેશન્સ જજે ઈપીકો કલમ ૨૧૭ પુરતી કરાયેલી સજાનો હુકમ રદ્દ કરી અન્ય બે કલમ હેઠળ થયેલી પાંચ વર્ષની સજા અને દંડનો હુકમ યથાવત્ રાખ્યો છે. ચુકાદા બાદ એ.એમ. ઝાલા, એન.એમ. દેસાઈ અને એન.પી. પ્રજાપતિએ સજાના હુકમ સામે વડી અદાલતમાં અપીલ કરવા હેતુ સ્ટે માંગતા કૉર્ટે ૧૫ દિવસની મહેતલ આપી છે.

આ કેસમાં સરકાર તરફે વિશેષ સરકારી વકીલ એચ.બી. જાડેજાએ દલીલો કરી હતી.