ત્યારબાદ આ ફોટો વાયરલ કરવાની બીક બતાડતો હતો.

દીકરી ધોરણ ૧૧ અને ૧૨મા પોતાના ગામથી બીજા ગામની હાઈસ્કુલમાં ભણવા જતી હતી ત્યારે મોહન અવારનવાર તેને બળજબરીથી ગામના સીમાડે બાવળોની ઝાડીઓમાં લઈ જઈ દુષ્કર્મ કરતો હતો.

જો તું મને મળવા નહીં આવે તો હું મરી જઈશ અને તારા લીધે મર્યો છે તેવો વીડિયો રેકોર્ડ કરતો જઈશ કહીને સતત પીડિતાને પોતાના તાબે કરતો હતો.

ગત જૂલાઈ ૨૦૨૪ના પીડિતા તેના ભાઈ સાથે એસટી બસમાંથી ભુજ બસ સ્ટેશનમાં ઉતરેલી. ભાઈ બાથરુમ કરવા ગયો તે સમયે મોહન ત્યાં આવી પીડિતાને મુંદરા લઈ ગયો હતો. ત્યાંથી દ્વારકા લઈ ગયેલો અને રસ્તામાં લક્ઝરી બસમાં પરાણે શારીરિક સંબંધ બાંધ્યો હતો. પીડિતાના પરિવારે ભુજ એ ડિવિઝન પોલીસને જાણ કરેલી. બંને દ્વારકાથી ઝડપાઈ ગયેલાં. બનાવ અંગે ૦૫-૦૭-૨૦૨૪ના રોજ ભુજ એ ડિવિઝન પોલીસ મથકે પીડિતાએ મોહન વિરુધ્ધ ફરિયાદ નોંધાવી હતી.

આ ગુનામાં ભોગ બનનારની ગુનાને સમર્થનકારી જુબાની અને તેની સાથે શરીર સંબંધ બંધાયો હોવાના વૈજ્ઞાનિક પુરાવાને અનુલક્ષીને આજે વિશેષ પોક્સો કૉર્ટના જજ જે.એ. ઠક્કરે મોહનને પોક્સો એક્ટની કલમ ૬ હેઠળ ૨૦ વર્ષની સખ્ત કેદની સજા સાથે ૫૦ હજારનો દંડ ફટકાર્યો છે. બીએનએસની કલમ ૩૫૧ (૧) (૨) હેઠળ ૧ વર્ષની કેદ અને પાંચ હજાર દંડ ફટકાર્યો છે. ગુનાનો ભોગ બનનાર દીકરીને કૉર્ટે ૪ લાખ રૂપિયા વળતર ચૂકવવા જિલ્લા કાનૂની સેવા સત્તા મંડળને સૂચના આપી છે. આ ગુનામાં ભુજ એ ડિવિઝનના તત્કાલિન પીઆઈ એ.જી. પરમારે તપાસ કરી હતી. ફરિયાદ પક્ષ તરફે પોક્સો કેસના વિશેષ સરકારી વકીલ એચ.બી. જાડેજાએ દલીલો કરી હતી. ગુનો નોંધાયાના ૧૦ માસ અને ૨૨ દિવસમાં કૉર્ટે ચુકાદો આપી દીધો છે.

ગુનેગારને સજા ફટકારતી વેળા જજે જણાવ્યું કે પીડિતા દસમા ધોરણમાં આવેલી ત્યારે મોહને તેની પર બળાત્કાર ગુજારેલો અને બારમા ધોરણ સુધી ભણતી હતી ત્યાં સુધી વારંવાર ગુનો આચરેલો. ગુનામાં સખ્ત સજાની જોગવાઈઓની ચર્ચા કરતાં જજે જણાવ્યું કે ગુનાના લીધે પીડિતા બારમા ધોરણ સુધી જ ભણી શકી અને તેના ભવિષ્યને નુકસાન થયું હોવાની હકીકત નકારી શકાતી નથી. એક દીકરીનો વિકાસ અટકી પડેલ છે.

જ્યારે આવો એક બનાવ બને છે ત્યારે સમાજની કેટલીક બાળકીઓનો અભ્યાસ અટકી પડે છે. બાળકીઓનું ભાવિ અંધકારમય બને છે. આવા બનાવો અંતે તો સમાજ અને દેશને અસર કરે છે.

સમાજમાં આ પ્રકારના બનાવો દિન પ્રતિદિન વધી રહ્યા છે તેથી આ પ્રકારના શિકારીઓને રોકવા જ પડશે નહીંતર નાની કુમળી વયની દીકરીઓ સમાજમાં નિર્ભય રીતે હરી ફરી શકશે નહીં. કૉર્ટે ચાઈલ્ડ વેલફેર કમિટી અને ડિસ્ટ્રીક્ટ ચિલ્ડ્રન પ્રોટેક્શન યુનિટને આ દીકરીનો તત્કાળ સંપર્ક કરી તેનું કાઉન્સેલિંગ કરવા અને જરૂર મુજબની તમામ મદદ માર્ગદર્શન આપવા, આગળ ભણવું હોય તો જરૂરી કાર્યવાહી કરવા હુકમ કર્યો છે.