તેણે બાળકને નિર્વસ્ત્ર કરી સૃષ્ટિ વિરુધ્ધનું કૃત્ય આચરવા પ્રયાસ કરેલો. ડરી ગયેલાં બાળકે બૂમો પાડવાનું શરૂ કરતાં તેને છોડી મૂક્યો હતો. રડતાં રડતાં ઘરે આવીને બાળકે માતાને ઘટના વિશે વાત કરેલી. બનાવ અંગે પ્રાગપર પોલીસે બળદેવ સામે પોક્સો સહિતની ધારાઓ તળે ગુનો નોંધી અટક કરેલી.

કૉર્ટે આજે આરોપીને દોષી ઠેરવી સજા ફટકારી છે. વિશેષ પોક્સો કૉર્ટ જજ જે.એ. ઠક્કરે એક પરિણીત અને પુખ્ત વયના બે સંતાનોનો પિતા કે જે ગુનાનો ભોગ બનનાર બાળક માટે દાદા તુલ્ય હતો તેણે આચરેલાં ગુનાને ગંભીર ગણી આજે સબકરૂપ ચુકાદો આપ્યો છે. કૉર્ટે પોક્સો એક્ટની કલમ ૫ (એલ) ૬ મુજબ બળુને ૨૦ વર્ષનો સખ્ત કારાવાસ અને ૨૫ હજાર રૂપિયા દંડ ફટકાર્યો છે. એ જ રીતે, પોક્સો એક્ટની કલમ ૭ સાથે ૮ હેઠળ ૧ વર્ષની સખ્ત કેદ સાથે બે હજાર રૂપિયા દંડ તથા પોક્સો એક્ટની કલમ ૧૧ (૬) અને ૧૨ હેઠળ ૬ માસની સખ્ત કેદ સાથે ૨ હજાર રૂપિયા દંડ ફટકાર્યો છે.

ગુનાની તપાસ તત્કાલિન પીઆઈ ધવલ ડી. શિમ્પીએ કરેલી. આ કેસમાં સરકાર તરફે મુખ્ય જિલ્લા સરકારી વકીલ એચ.બી. જાડેજાએ સાક્ષીઓ તપાસીને દલીલો કરેલી. ભોગ બનનારના કાયદા સહાયક તરીકે એડવોકેટ માલશ્રીબેન ટી. ગઢવીએ મદદ કરી હતી. બળદેવ ધરપકડ થઈ ત્યારથી જેલમાં કેદ છે અને સમગ્ર કેસ અંડર ટ્રાયલ પ્રિઝનર તરીકે ચાલ્યો છે.