ગુનાનો ભોગ બનનાર કિશોર નવેમ્બર ૨૦૨૪માં દિવાળી વેકેશન નિમિત્તે પોતાના મિત્રના ઘેર આવેલો. દરમિયાન, એક દિવસ સાંજના સમયે બેઉ જણ મિત્રના ઘેર કબૂતર જોવા ગયેલાં. રસ્તામાં મિત્રનો સગો કાકા એવો આરોપી મનસુખ બારૈયા તેમને મળેલો. બેઉ જણને કબૂતર બતાવવાનું કહીને મનસુખ પોતાની આઈ ટેન કારમાં બેસાડીને મોરગર સીમમાં નિર્જન વગડામાં લઈ ગયેલો.

ઘટના અંગે દયાપર પોલીસે ભારતીય ન્યાય સંહિતા અને પોક્સો એક્ટની કલમો તળે ગુનો દાખલ કરેલો. ગુનાની તપાસ કરનાર તત્કાલિન પીઆઈ વી.વી. ભોલાએ ૩૦ દસ્તાવેજી પુરાવા અને ૧૪ સાક્ષી સાથે ચાર્જશીટ રજૂ કરેલી.

કૉર્ટે પીડિત બાળકને ત્રણ લાખ રૂપિયા વળતર ચૂકવવા DLSAને હુકમ કર્યો છે. કેસમાં સરકાર તરફે જિલ્લાના મુખ્ય સરકારી વકીલ એચ.બી. જાડેજાએ દલીલો કરી હતી.