આ કન્ટેઈનર પંજાબના જલંધરની RDMK નામની પેઢીએ મગાવ્યું હતું. NCBએ પેઢીના માલિક દિનેશ ગર્ગની ધરપકડ કરતાં તેણે દીપક મિત્તલ નામના મિત્રના કહેવાથી સ્ક્રેપનું કન્ટેઈનર ઈમ્પોર્ટ કર્યું હોવાનું બહાર આવેલું. NCBએ દિનેશ ગર્ગ અને દીપક મિત્તલની ધરપકડ કરી પૂછપરછ કરતાં મૂળ ભારતના પરંતુ દુબઈમાં સ્થાયી થયેલાં અરુણદીપ નિર્મલકુમાર સુદ (ઉ.વ. ૪૫)ની સંડોવણી બહાર આવેલી.

NCB વતી દલીલ કરતા સ્પેશિયલ પબ્લિક પ્રોસિક્યુટર કલ્પેશ ગોસ્વામીએ દલીલ કરેલી કે અરુણદીપને ઈ-મેઈલ અને અન્ય રાજદ્વારી ચેનલ મારફતે વારંવાર નોટિસ પાઠવાઈ છે પરંતુ તે હાજર થતો નથી.

અગાઉ તેણે હાઈકૉર્ટમાં અરજી કરેલી પરંતુ પાછી ખેંચી લીધી હતી. ભુજના છઠ્ઠા અધિક સેશન્સ જજ અને NDPS Courtના વિશેષ જજ વિરાટ એ. બુધ્ધે ગુનાની ગંભીરતા, કાયદાની જોગવાઈઓ, આરોપીની સંડોવણી વગેરેને અનુલક્ષીને આગોતરા જામીન અરજી ફગાવી દીધી છે.