|
કચ્છખબરડૉટકોમ, ભુજઃ રાપરના ગેડી ગામે અફીણની ખેતી કરતા, મોટી માત્રામાં પોસ ડોડા અને અફીણના છોડ સાથે ઝડપાયેલા ૪૧ વર્ષિય આરોપીએ ચાર્જશીટ બાદ કરેલી નિયમિત જામીન અરજી ભુજની ખાસ NDPS કૉર્ટે ફગાવી દીધી છે. બાતમીના આધારે રાપર પોલીસે ગત ૧૦-૧૧ માર્ચની રાત્રે ગેડી ગામે પરબત પાંચાભાઈ સિંધવના ઘરે દરોડો પાડ્યો હતો. ઘરમાંથી પોલીસે ૬૦ હજારના મૂલ્યના ૨૦ કિલો પોસ ડોડા અને તેણે બે ખેતરોમાં વાવેલાં ૧.૭૫ લાખના મૂલ્યના ૫૮ કિલો અફીણના છોડ કબજે કરેલાં. પરબતે ગામના વિસા માદેવા રાઠોડને આપેલા ૧૭ કિલો પોસ ડોડા પણ જપ્ત કરાયાં હતા.
આ ગુનામાં ત્રણ માસથી જેલમાં કેદ પરબતે ચાર્જશીટ રજૂ થયા બાદ ભુજની ખાસ કૉર્ટમાં રેગ્યુલર બેઈલ એપ્લિકેશન કરી હતી.
જો કે, ઝડપાયેલો જથ્થો કૉમર્સિયલ ક્વૉન્ટિટીનો હોવાનું, પોલીસે આરોપીની કૉન્સિયસ પઝેશનમાંથી માદક પદાર્થ કબજે કર્યો હોવાનું, ગુનો ૨૦ વર્ષની સજાને પાત્ર ગંભીર ગુનો હોવાનું, ગુનો સમાજ વિરોધી હોવાનું તથા સમાજમાં આજકાલ આ પ્રકારના કેસો વધી રહ્યાં છે તેમ જણાવીને વિશેષ કૉર્ટના જજ વિરાટ બુધ્ધાએ અરજી ફગાવી દીધી છે.
Share it on
|
Latest
3400 views
