સોનુએ ફરિયાદીને નિઃવસ્ત્ર કરેલા ત્યારે કમલેશ દયાપ્રસાદ વર્મા, ભગવત ઓમપ્રકાશ રાણા અને બૉબકટ વાળવાળી નીતા નાથાલાલ પટેલ નકલી પોલીસ બનીને ત્રાટક્યા હતા. કમલેશ અને ભગવત રાણાએ વૃધ્ધને ડંડાથી માર મારેલો. કમલેશે કમરે લટકતી રિવોલ્વર બતાવીને વૃધ્ધને મારી નાખવા તથા બળાત્કારના કેસમાં ફીટ કરી દેવાની ધમકી આપી મામલાની પતાવટના નામે ૩ લાખ રૂપિયાની માગણી કરીને પ્રારંભે ૬૦ હજાર રૂપિયા પડાવ્યા હતા. ટોળકીએ જો બાકીના રુપિયા નહીં મળે તો સોશિયલ મીડિયા પર અશ્લીલ ફોટા અને વીડિયો વાયરલ કરી દેવાની ધમકી આપેલી.

બનાવ અંગે ગત પાંચમી ઑગસ્ટે ભુજ એ ડિવિઝન પોલીસે ત્રણ મહિલા સહિત પાંચ સામે એક્સટોર્શન, આર્મ્સ એક્ટ સહિતની કલમો તળે ગુનો દાખલ કરીને બીજા દિવસે નકલી પોલીસ કર્મી બનનારા કમલેશ વર્મા, ભગવત રાણા, મુસરા પઠાણની ધરપકડ કરી લીધી હતી. દહીસરાની હેમલતા માંડવી પોલીસ સ્ટેશનમાં દાખલ હની ટ્રેપના અન્ય એક ગુનામાં પહેલાંથી જ અંદર હતી. પરંતુ, બોબ કટવાળવાળી મહિલા કોણ હતી તે અંગે એફઆઈઆરમાં નામજોગ કશી વિગતો રજૂ થઈ નહોતી.

આ મહિલા આરોપી એરપોર્ટ રોડ પર આવેલા આશાપુરાનગરમાં રહેતી ૪૪ વર્ષની નીતા નાથાલાલ પટેલ હોવાનું આગોતરા જામીન અરજી પરથી સ્પષ્ટ થયું છે. હેમલતા સિવાયના અન્ય ચારે આરોપી આસપાસમાં જ રહે છે. ગુનામાં નીતાની પ્રથમદર્શનીય સંડોવણી જણાતી હોવાનું અને આગોતરા અપાય તો તપાસને પ્રભાવિત કરી શકે છે તેવી શક્યતા દર્શાવીને આઠમા અધિક સેશન્સ જજ તુષાર ખંધડીયાએ અરજી ફગાવી દીધી છે.