ફરિયાદ પક્ષે ગુનાની ગંભીરતા, સજાની જોગવાઈ અને ફરિયાદની હકીકતને ધ્યાને લઈ જામીન અરજી નામંજૂર કરવા રજૂઆત કરી હતી.

પોલીસે આરોપીઓ સામે લગાવેલી કલમોનું વિશ્લેષણ કરતાં CJM પટેલે જણાવ્યું કે ભારતીય ન્યાય સંહિતાની કલમ ૩૦૮ (૬) (કોઈને ભય બતાડીને ખંડણી વસૂલવી)માં મહત્તમ સજાની જોગવાઈ ૧૦ વર્ષની કેદને પાત્ર છે પરંતુ આ કલમ જામીન લાયક છે. ૩૫૧ (૨) (ધાક ધમકી કરવી) અને ૬૧ (૨) (ગુનાહિત કાવતરું ઘડવું)ની કલમો પણ જામીન લાયક છે જ્યારે ૨૦૪ બિનજામીનપાત્ર છે પરંતુ તેમાં મહત્તમ સજાની જોગવાઈ ત્રણ વર્ષ સુધીની છે.