મૃતક મુંદરાના જૂના બંદર રોડ પર આવેલા રામેશ્વર મંદિરના પૂજારી હતા. સેવા પૂજા કરવા સાથે મંદિર નજીક ચા નાસ્તાની હોટેલ ચલાવતા હતા.

હુમલા બાદ છરીને દુકાનમાં જ ફેંકીને તે નાસી ગયો હતો. પોલીસની પ્રાથમિક પૂછતાછ અને તપાસમાં બહાર આવ્યું હતું કે મરણ જનાર ઈમલાને અવારનવાર ‘તારા બાપ દાદા તો ભેંસોની ચોરીઓ કરતાં હતા, તું તો આવો છે, તેવો છે’ કહીને મસ્તી મજાક કરતાં હતા. આ બાબતનો ખાર રાખીને ઈમલાએ મર્ડર કરી નાખ્યું હતું.

જો કે, તત્કાલિન પીઆઈ હાર્દિક સૂર્યશંકર ત્રિવેદીએ ગણતરીના કલાકોમાં આરોપીની ધરપકડ કરી લઈ કાયદેસર કાર્યવાહી હાથ ધરી હતી. આ કેસમાં આરોપીના વકીલે ફરિયાદ નોંધનાર અને તપાસ કરનાર એક જ અધિકારી હોવા સહિતના મુદ્દે કૉર્ટમાં દલીલો કરી હતી. પરંતુ, હત્યા કરનાર આરોપી જ અપરાધી હોવાનું પોલીસની તપાસ, બનાવને નજરે જોનાર એક પ્રત્યક્ષદર્શીની જુબાની અને વૈજ્ઞાનિક પુરાવા પરથી સાબિત થયું હતું. જેના પગલે ભુજના સેશન્સ જજ દિલીપ પી. મહિડાએ ઈરફાન ઊર્ફે ઈમલો ખોખરને ઈપીકો કલમ ૩૦૨ હેઠળ આજીવન સખ્ત કેદની સજા સાથે ૧ લાખ રૂપિયાનો દંડ ફટકાર્યો છે.