તપાસમાં બહાર આવ્યું હતું કે જે બેન્ક ખાતાઓમાં રૂપિયા જમા થયાં હતા તે બેન્ક ખાતાઓ બલવીરે બીજા લોકોને કમિશન આપીને તેમના નામે ખોલાવેલાં અને બધા ખાતાને લગતાં દસ્તાવેજો, વિગતો અન્ય એક આરોપીને આપી હતી.

બલ્લુની જામીન અરજી ફગાવતાં આઠમા અધિક સેશન્સ જજ તુષાર ખંધડિયાએ જણાવ્યું કે સમાજમાં આજકાલ વૃધ્ધોને ટાર્ગેટ કરી, ડરાવી ધમકાવી ડિજિટલ અરેસ્ટ કરીને કરોડો રૂપિયા હજમ કરી જવાના બનાવોમાં ખૂબ ઉછાળો આવ્યો છે. આ ગુનો અનેક વૃધ્ધોનું જીવતર રોળી દે છે. ગુનામાં આરોપીએ ભજવેલી ભૂમિકા ગંભીર છે તેથી તેને જામીન પર છોડવો ઉચિત જણાતો નથી.