આ ગુનામાં પોલીસે અમદાવાદના વિપુલ મહેન્દ્રભાઈ સોલંકી (ઉ.વ. ૩૮, રહે. સાનિન્ધ્ય રેસિડેન્સી, સાઉથ બોપલ, અમદાવાદ) અને તેના સાગરીત સૂર્યામીન સુરેશભાઈ પંચાલ (ઉ.વ. ૩૬, રહે. કે.બી. અલ્ટેઝા, ચાંદખેડા ચાર રસ્તા, અમદાવાદ)ની ધરપકડ કરેલી. વિપુલ સોલંકી અમદાવાદમાં ખાનગી ટ્યુશન કલાસ ચલાવે છે જ્યારે સૂર્યામીન પોતાને બિઝનેસમેન ગણાવે છે.

એટલું જ નહીં, પાછળથી વિપુલે ફરિયાદીનો સૂર્યામીન પંચાલ જોડે સંપર્ક કરાવેલો. સૂર્યામીને આપેલા એક ખાતામાં ફરિયાદીએ ૧૦ ડિસેમ્બરના રોજ ૨.૬૦ લાખ રૂપિયા જમા કરાવ્યાં હતા. ગુનામાં બેઉની પ્રાથમિક અને સક્રિય સંડોવણી તથા તપાસ હજુ નાજૂક તબક્કે ચાલી રહી હોવાનું જણાવીને આઠમા અધિક સેશન્સ જજ તુષાર ખંધડીયાએ બેઉની અરજીઓ ફગાવી દીધી છે. બંને કેસમાં સરકાર તરફે એડવોકેટ પી.વી. વાણિયાએ દલીલો કરી હતી.