ઘટનાના દિવસથી પીડિતાએ નોકરી છોડી દીધી હતી અને સૂનમુન રહેવા માંડી હતી.

રમેશની આગોતરા જામીન અરજીનો વિરોધ કરતાં વકીલે દલીલ કરી હતી આરોપી પૈસાપાત્ર અને માથાભારે છે તથા સમાધાનના નામે કેસને રફેદફે કરવા પ્રયાસો કરી રહ્યો છે. પાંચમા અધિક સેશન્સ જજ પી.એમ. ઉનડકટે આરોપી સામેનો ગુનો ગંભીર હોવાનું, પોલીસની તપાસ ચાલું હોવાનું અને તેને જામીન પર છોડાય તો કેસમાં વિપરીત અસર પડે તેમ હોવાનું જણાવી રમેશની આગોતરા જામીન અરજી ફગાવી દીધી છે. કેસમાં મૂળ ફરિયાદીના વકીલ તરીકે એડવોકેટ બી.એસ. ગોરડિયાએ દલીલો કરી હતી.

પોલીસ સ્ટેશનમાંથી નોન ક્રિમિનલ સર્ટીફિકેટ મેળવવાના હેતુથી પરપ્રાંતીય યુવક યુવતીને પધ્ધર અને લાખોંદ ગ્રામ પંચાયતના રહીશ હોવાનું સરપંચ તલાટીના બોગસ સહી સિક્કા કરીને નકલી પ્રમાણપત્ર આપી, તેના આધારે ડિફેન્સ સર્વિસમાં જોડાવા માટે જરૂરી એવું બોગસ ડોમિસાઈલ સર્ટીફિકેટ કાઢી આપવાના ગુનામાં નાસતાં ફરતાં કલેક્ટરની પીએ કચેરીના કોન્ટ્રાક્ટ બેઝ્ડ કર્મચારી વિષ્ણુ દિલીપભાઈ ઘરેણિયા (૩૪, રહે. ભક્તિપાર્ક, મુંદરા રોડ, ભુજ)એ કરેલી આગોતરા જામીન અરજી કૉર્ટે નામંજૂર કરી છે. ફરિયાદી પક્ષે કૉર્ટને રજૂઆત કરી હતી કે આ મામલે વિષ્ણુને ખુલાસો આપવા નોટીસ આપેલી પરંતુ તે હાજર થયો નહોતો અને તપાસમાં સહકાર આપતો નથી. આઠમા અધિક સેશન્સ જજ શિલ્પાબેન કાનાબારે વિષ્ણુની આગોતરા ફગાવી દીધી છે.