ગૌરીની હત્યા બાદ સાગરે ઝેર પીધેલું અને પોતે મરી જશે તે ડરથી સીધો માંડવીની સરકારી હોસ્પિટલભેગો થઈ ગયો હતો.

તુંબડીના પ્રાથમિક આરોગ્ય કેન્દ્રમાં નોકરી કરતી ગૌરી નિત્યક્રમ મુજબ ઘરેથી નોકરી જવા નીકળી ત્યારે સાગરે તેં મને કેમ દગો આપ્યો કહીને ગુપ્તી અને તલવારથી તેને સ્થળ પર રહેંસી નાખી હતી. ચાર્જશીટ બાદ આરોપીએ ભુજ સેશન્સ કૉર્ટમાં નિયમિત જામીન અરજી દાખલ કરી હતી. બંને પક્ષની દલીલો સાંભળ્યા બાદ આઠમા અધિક સેશન્સ જજ અને ખાસ એટ્રોસીટી કૉર્ટના વિશેષ જજ તુષાર ખાંધડીયાએ અરજી ફગાવી દીધી છે.

ગુનામાં આરોપીની પ્રથમદર્શનીય સંડોવણી અને ગુનાની ગંભીરતાને અનુલક્ષીને જજે તેને જામીન આપવા ઈન્કાર કર્યો હતો. કેસમાં એડવોકેટ બાબુલાલ એસ. ગોરડીયાએ અરજી ફગાવી દેવા ફરિયાદ પક્ષે રજૂઆત કરી હતી.