માનકૂવા પોલીસ મથકની હદમાં આવતા ગામમાં રહેતી માસૂમ બાળકી અને તેના નાનાં ભાઈને શામજી એરંડાની વાડીમાં લઈ ગયો હતો. બાળકીના ભાઈને એરંડાના પાકની બહાર ઊભો રખાવીને બાળકીને અંદર લઈ જઈ નિઃવસ્ત્ર કરીને આંગળી વડે હસ્તક્રિયા કરી દુષ્કર્મ આચરેલું.

માનકૂવાના તત્કાલિન પોલીસ ઈન્સ્પેક્ટર ડી.એન. વસાવાએ તપાસ કરીને આરોપી સામે ચાર્જશીટ રજૂ કરેલું. ૧૦ સાક્ષી અને ૨૩ દસ્તાવેજી પુરાવાના આધારે આજે વિશેષ જજ જે.એ. ઠક્કરને શામજીને પોક્સો એક્ટની કલમ ૬ તથા બીએનએસની કલમ ૬૩ (બી), ૬૫ (૨) હેઠળ દોષી ઠેરવી ૨૦-૨૦ વર્ષની સખ્ત કેદ સાથે પચાસ પચાસ હજાર રૂપિયાનો દંડ ફટકાર્યો છે. બીએનએસ કલમ ૧૩૭ (૨) હેઠળ ૩ વર્ષની સખ્ત કેદ અને ૩ હજાર રૂપિયા દંડ ફટકાર્યો છે.

ગુનાનો ભોગ બનનાર બાળકીએ આપેલી સમર્થનકારી જુબાનીને કૉર્ટે મજબૂત મુખ્ય પુરાવો ગણાવ્યો હતો.

આ કેસમાં ફરિયાદ પક્ષે મુખ્ય જિલ્લા સરકારી વકીલ એચ.બી. જાડેજાએ દલીલો કરી હતી.