ત્યારબાદ આરોપીને ખેરાલુ રહેતા તેના બેન બનેવી બેઉને અમદાવાદથી પોતાની વાડીએ લઈ ગયેલાં. બનાવ અંગે કોઠારાના તત્કાલિન પોલીસ સબ ઈન્સ્પેક્ટર વાય.પી. જાડેજાએ જીતેશ વિરુધ્ધ એટ્રોસિટી અને પોક્સો સહિતના કાયદાઓની વિવિધ કલમો તળે ગુનો દાખલ કર્યો હતો.

આ કેસમાં આજે ભુજની વિશેષ પોક્સો કૉર્ટના ખાસ જજ જે.એ. ઠક્કરે જીતેશ ભટ્ટને પોક્સો એક્ટની કલમ ૬ હેઠળ દોષી ઠેરવી વીસ વર્ષના સખ્ત કારાવાસ સાથે ૨૫ હજાર રૂપિયાનો દંડ ફટકાર્યો છે.

એટ્રોસિટી તથા પોક્સો એક્ટની કલમ ૪ હેઠળની સજા પોક્સો એક્ટની કલમ ૬ હેઠળ થયેલી સજામાં સમાવિષ્ઠ થઈ જતી હોઈ કૉર્ટે તે કલમો હેઠળ અલગથી કોઈ સજા સંભળાવી નથી. ગુનામાં મદદગારી બદલ ફીટ થયેલાં અન્ય ત્રણ આરોપીને શંકાનો લાભ આપી નિર્દોષ છોડી મૂક્યાં છે.

આ કેસમાં સરકાર તરફે જિલ્લાના મુખ્ય સરકારી વકીલ એચ.બી. જાડેજા હાજર રહ્યા હતા.