તે સમયે ધૃમિલને અજાણ્યા નંબર પરથી એક વોટસએપ ગૃપમાં એડ થવા ઈન્વિટેશન મળેલું. આ ગૃપમાં સ્ટોક માર્કેટમાં રોકાણ માટે ટીપ્સ અપાતી હતી. ત્યારબાદ ફરિયાદી કેવલભાઈની સંમતિ સાથે તેમના નામ અને બેન્ક ખાતાંની વિગતો ભરીને નાના ભાઈ ધૃમિલે MAVERICK CAPITAL LTD નામની કહેવાતી ફર્મ સાથે ઈન્વેસ્ટમેન્ટ કરવાનું શરૂ કરેલું.

જે નાણાંનું રોકાણ કરવામાં આવે તે રોકાણ અને તેના પર મળતાં રિટર્ન વગેરેનો તેમાં ઓનલાઈન હિસાબ દેખાતો હતો.

દરમિયાન, તેમણે નાણાં ઉપાડવા પ્રયાસ કરતાં વીસ ટકા ટેક્સ ભરવો પડશે અને તમને લાગેલ આઈપીઓની રકમ હજુ પેન્ડિંગ છે તેવા બહાના કરેલાં. જેના આધારે પોતાની સાથે ફ્રોડ થયો હોવાની શંકા પડતાં તેમણે નેશનલ સાયબર ક્રાઈમ હેલ્પલાઈન પર ફરિયાદ કરી હતી. સાયબર પોલીસે અજાણ્યા સાયબર ઠગો સામે ગુનો દાખલ કર્યો છે. ગુનાની તપાસ પીઆઈ એલ.પી. બોડાણાએ હાથ ધરી છે.