હુમલાખોરે ભવાનભાઈને છરી બતાડી ધમકી આપી હતી કે અમે બકરાં ચરાવીએ છીએ તો તું કેમ ખેતરની રખેવાળી કરવા આવી જાય છે?

ભવાનભાઈને ખેતરેથી જ ૧૦૮ મારફતે હોસ્પિટલમાં સારવાર માટે દાખલ કરાયાં હતાં. બનાવ અંગે સામખિયાળી પોલીસે અજાણ્યા હુમલાખોર સામે ફરિયાદ દાખલ કરી છે. બીજી તરફ, નજીકના નારણસરી ગામે ખેતરમાં રહેલાં ૬૫ વર્ષિય જેરામભાઈ પમાભાઈ ભ્રાસડીયા (પટેલ) પર મંગળવારે રાત્રે આઠ વાગ્યાના અરસામાં શિકારપુરના રજાક હાજી ત્રાયા નામના યુવકે હુમલો કર્યો હતો.

જેરામભાઈને મારી નાખવાના હેતુથી રજાકે તેમના માથામાં ફટકારવા ડાંગ ઉગામી હતી પરંતુ જેરામભાઈએ હાથ આડો કરતાં ડાંગના ફટકાથી ડાબો હાથ ભાંગી ગયો હતો. આ મામલે લાકડીયા પોલીસે રજાક ત્રાયા સામે હત્યાના પ્રયાસ સહિતની કલમો તળે ગુનો દાખલ કર્યો છે.

ખેતરમાં કામ કરતાં નિઃસહાય વૃધ્ધ વાડીમાલિકો પર થયેલા હુમલાની ઘટનાએ સ્થાનિક ગામોમાં ભારે આક્રોશ સર્જ્યો છે.