પોલીસ કર્મચારીઓ સામે તોડની ફરિયાદ નોંધાવનારા અનિલ પંડિત, ગાંધીધામના માસ્ટર માઈન્ડ પંકજ ઠક્કર સહિતના શખ્સો સામે કાવતરું રચીને બોગસ દસ્તાવેજો મારફતે સોપારીની દાણચોરી કરી બારોબાર વેચી મારવા સબબ મુંદરા પોલીસ મથકે ૨૭-૧૦-૨૦૨૩ના રોજ ફરિયાદ નોંધાવી હતી. તપાસમાં બહાર આવ્યું હતું કે સોપારીનો જથ્થો મોહિત એન્ટરપ્રાઈઝ નામની પેઢી મારફતે ખરીદીને આ પેઢીએ જનરેટ કરેલાં બોગસ ઈ-વે બિલ મારફતે દેશમાં અલગ અલગ જગ્યાએ વેચી મરાતો હતો.

એક વર્ષ જેટલો સમય થવા આવ્યો પણ હિમાંશુ નાસતો ફરે છે. રેન્જ આઈજી મોથલિયાની ટ્રાન્સફર થયાં બાદ ગુનાની તપાસનો જાણે વીંટો વળી ગયો છે. કૉર્ટે ગુનાની ગંભીરતા અને હિમાંશુની સક્રિય ભૂમિકાને અનુલક્ષીને અરજી ફગાવી દીધી છે  કેસમાં સરકાર તરફે જિલ્લાના મુખ્ય સરકારી વકીલ કે.સી. ગોસ્વામીએ દલીલો કરી હતી.