૬ઠ્ઠી માર્ચ ૨૦૨૪ના રોજ તે ભુજ આવેલો. ત્યાં નવાબ નામનો શખ્સ મળેલો અને નવાબે તેના બોસ મોહમ્મદ અલી જોડે મુલાકાત કરાવેલી. નવાબે અલીનો મુંબઈમાં ગોલ્ડ ઈમ્પોર્ટનો મોટો કારોબાર હોવાનું અને કસ્ટમ ઑફિસરો જોડે સારી ઓળખાણ હોવાનું કહેલું.

ડીલ નક્કી થયાં બાદ આરોપીઓએ સામખિયાળીમાં બિસ્કીટની ડિલિવરી આપવાનું કહેલું. ત્યાંથી બહાના કરીને તેને પરત અમદાવાદ મોકલી દીધેલો. આજ દિન સુધી આરોપીઓએ ના બિસ્કીટ આપ્યું છે કે ના પૈસા પરત આપ્યાં છે. તેમના મોબાઈલ ફોન પણ બંધ થઈ ગયાં છે.

ફરિયાદી પોલીસ પાસે ગયો ત્યારે પોલીસે રીઢા ચીટરોના ફોટો બતાડતાં તે ત્રણેને ઓળખી ગયેલો. મોહિત સોની નામ ધારણ કરનારો હકીકતે ભુજનો રીઝવાન રમજુ મોખા, નવાબ નામ ધારણ કરનારો અબ્બાસ જુસબ મોખા અને મોહમ્મદ અલી નામ ધારણ કરનારો જુસબ વલીમામદ કકલ (રહે. ઓધવવંદના સોસાયટી, ભુજ) હોવાનું બહાર આવ્યું છે. ત્રણે સામે ભુજ શહેર એ ડિવિઝન પોલીસ મથકે ફરિયાદ નોંધાવાઈ છે.

સોશિયલ મીડિયા પર અમેરિકન ડોલર અને ભારતીય રૂપિયાની ચલણી નોટોની થપ્પીઓ અને સોનાના બિસ્કીટના ફોટો તથા વીડિયો પોસ્ટ કરીને લોકોને એક કા તીન તથા સસ્તાંમાં સોનું આપવાની લાલચ આપતાં ભુજના એક યુવકને લોકલ ક્રાઈમ બ્રાન્ચે ઝડપી પાડ્યો છે. શહેરના શાંતિનગર, સરપટ નાકા બહાર ખાતે રહેતો ફારુક હુસેન સમા લોકો જોડે ઠગાઈ કરવા હેતુ વિવિધ સોશિયલ નેટવર્કિંગ સાઈટ્સ પર નકલી આઈડી બનાવીને આવા મેસેજ પોસ્ટ કરતો હતો. તેના કબજામાંથી ઉપર નીચે સાચી નોટ રાખી હોય અને વચ્ચે નકલી નોટો હોય તેવા બંડલો કબજે કરાયાં છે.