મુસ્લિમ આગેવાન હાજી જુમા રાયમાએ પોલીસ તંત્રને અપીલ કરતાં જણાવ્યું કે ઈન્સ્ટાગ્રામ અને ફેસબૂક પર અનેક એકાઉન્ટ અને પેજ એવા છે જેમાં સતત મુસ્લિમવિરોધી ઝેર અને નફરત ઓકવામાં આવી રહ્યા છે. આવા એકાઉન્ટ અને પેજને અન્ય કટ્ટરવાદી અસામાજિક તત્વો લાઈક તથા શૅર કરીને બે સમાજ વચ્ચે વૈમનસ્ય ભડકાવી રહ્યાં છે. ઘણાં તત્વો તેમાં સાંખી ના શકાય તેવી કોમેન્ટ કરે છે. ત્યારે, સોશિયલ મીડિયા પર ચાલતાં આવા એકાઉન્ટ્સ અને પેજ તત્કાળ બંધ કરાવાય, આવા પેજને શેર કરતાં કે તેમાં નફરતી કોમેન્ટ કરતાં તત્વોને પણ ગુનામાં મદદગારી બદલ ફીટ કરીને તેમના પર પાસા લગાડી અંદર કરવામાં આવે તે આવશ્યક છે. જુમા રાયમાએ જણાવ્યું કે મુસ્લિમ સમાજના લોકો આવા ઉશ્કેરણીજનક પોસ્ટ અને સંદેશાઓ અંગે સંયમ રાખીને કાયદેસર કાર્યવાહી કરાવવા પ્રયાસ કરે.