શુક્રવારે લેડી કોન્સ્ટેબલ કારથી જતી હતી ત્યારે બપોરે બે વાગ્યે ભુજોડી બસ સ્ટેન્ડ નજીક સર્વિસ રોડ પર અનિલ ક્રેટા કારથી આવેલો. અનિલે તેની ક્રેટા કારને લેડી કોન્સ્ટેબલની ગાડી આગળ ઊભી રાખી આંતરેલી. બાદમાં ફિલ્મી ઢબે હાથ વડે મુક્કો મારીને કારનો કાચ તોડી નાખીને યુવતીનું ગળું દબાવી વાળ ખેંચ્યા હતા. અનિલના હુમલાથી ગભરાઈને યુવતી નાસવા જતા અનિલે તેની કારથી યુવતીની ગાડીને પાછળથી ટક્કર મારેલી. ત્યારબાદ, યુવતીનો હાથ પકડીને ગાડીમાંથી બહાર કાઢી શરીર પર હાથ ફેરવીને છેડતી કરીને એસિડ એટેક કરેલો.

બનાવ અંગે યુવતીએ અનિલ મારુ સામે વિવિધ ભારેખમ કલમો તળે ફરિયાદ નોંધાવી હતી. બીજી તરફ, ૩૮ વર્ષિય અનિલ પણ પોતાને ત્રણ જણે માથામાં માર માર્યો હોવાનું જણાવીને હોસ્પિટલમાં દાખલ થઈ ગયો હતો. જે અંગે પોલીસ તપાસ કરી રહી છે.

અનિલનો ભાઈ અમરત અને તેની સરપંચ ભાભી કંકુ પણ અગાઉ ૨૦૨૧માં આશાપુરા કંપની પાસેથી ચાર લાખની લાંચ લેતા ઝડપાયાં હતા.